Suleman Al Rajhi
Suleman Al Rajhi ka intqaal hogaya inka shumaar duniya kay 20 sakhi, Fayaz tareen afraad mein shumaar hota hai. . .
Saudi Arab kay Shaher Alqaseem mein waqay khajoron kay 1 baagh mein kam az kam khajoor kay 2 laakh jhaad hain, aur yeh baagh Allah ki Raah mein waqf hain. .
iss baagh mein 45 qisam ki khajooren hoti hain, yahan ki salana paidawaar 10 hazaar ton khajoor hai. .
Yeh baagh roo e zameen mein paaya jane wala sab say bara waqf hai. .
iss baagh ki aamdani say duniya kay mukhtalif mumalik mein masajid ki taameer, Khairati kaam aur Harmain Sharifain mein iftaari kay dastarkhawan lagaye jatay hain. yeh baagh Saudi arab kay Ameer tareen shakhs Suleman Al Rajhi ne Allah ki raah mein waqf kiya hai.
Guinness World Record book mein ab tak sab say baday waqf kay taur par yeh baagh record kay taur par darj hai.
Suleman Al Rajhi ne ghurbat mein aankh kholi, woh school mein padh rahay thay kay, 1- din school Management ne Picnic Tour banaya aur har taalib e ilm say 1- 1 riyal jama karwanay ko kaha, yeh Suleman Al Rajhi mein jaatay hain, magar walidain kay paas 1- Riyal tak nahi hota, yeh bahot rote hain, Tour kay liye jane ki tareekh qareeb aati hai, idhar in kay sah Quarterly Exams ka result aata hai, yeh class mein First aate hain, aur 1 Falasteeni ustad unko bataur e inaam 1 riyal dete hain. Suleman Al Rajhi daudte hue, Picnic programme kay inchrge kay paas jaate hain, aur 1 Riyal jama karate hain. .
Waqt ko jaisay par lag jaatay hain, yeh apni taleem mukammal kar kay jeddah shaher mein 1 kamray ko bank ka naam day kar kaam shuru karte hain, Mukhtasir arsay mein Suleman Al Rajhi kay naam say bankon ka 1 jaal pooray Saudi arab mein phail jata hai.
Suleman Al Rajhi apne iss Falasteeni ustad ki talaash mein nikaltay hain, ustad se mulaqaat hoti hai, woh retired ho chkuey hain, Muashi haalaat aisay hain kay, ghar ka choolha jalana mushkil huwa pada hai, Suleman Al Rajhi –apne Falasteeni ustad ko gaadi mein bithatay hain aur un say kahte hain kay, mere ooper aap ka qarz hai. .
Ustad kahte hain kay, mujh miskeen ka kِis par qarz ho sakta he, Suleman Al Rajhi –apne ustad ko yaad karate hain kay, Kayee saal pahlay aap ne mujhe 1 Riyal inaam dِiya tha, ustad Muskurate hain, kay aap ab woh 1 Riyal mujhe wapas karna chahte hain ?. .
Suleman Al Rajhi 1- bungle kay saamnay gaadi khadi karte hain, jiss kay saamnay 1 Luxury Car bhi khadi hai, Suleman Al Rajhi –apne ustad say kahte he yeh bangla aur gaari ab se aap ke hain, mazeed aap ke tamam akhrajaat hamhare zimma hoon ge. .
Falasteeni ustad ki aankhon mein ansoo aatay hain aur woh kahtay hain kay, yeh Aali shaan bangla yeh mahengi gaadi yeh toh bohat ziyada hai. . Suleman Al Rajhi kahte hain, iss waqt aap ki jo khushi hay, iss say badh kar meri khushi ka aalam tha jab, aap ne mujhe 1- riyal inaam dِiya tha. .
Aisay mohsin shanaas insan ko Allah zaya nahi karta. . Suleman Al Rajhi ne 2010 mein –apne bachchon, Biwion aur Aziz o aqarib ko bula kar apni doulat unn sab mein taqseem kar di aur –apne hissay mein jo kuch aaya woh sab waqf kar dِya. iss waqt Suleman Al Rajhi kay waqf ki maliyat 60 arab Riyal se ziyada hai.
Yeh Saudi Alwatania company aur Al Rajhi bank kay maalik hain, jinhon ne corona virus kay liye 170, million Riyal imdaad kay taur par diya hai, aur Macce Mukarrama kay andar 2 hotel wizarat e sehat kay hawalay kardiya hai .
Forbes magazine ne inhen duniya kay 20 azeem Fayyaz logon mein shumaar kiya hai. un ki Biography padhnay kay Laiq hai. Shayad Saudi arab ka koi shaher aisa nahi miley ga, jahan Al Rajhi family ki taraf say masjiden na taameer ki gayi ho, aur dawati centers, Khairati jamiat waghera mein aap ka bhar poor taawun rahta hai. aur sab say badi baat yeh hai kay, yeh apne mulazmeen ko Mahina khatam honay say pahlay un ki ujrat day dete hain, jin mulazimeen ki tadaad Dedh Laakh say ziyada hai. is azeem hasti ka intqaal hogaya hai .
inna lillahi wa inna ilaihi rajioon…..
—————–
